Tug’ruqdan keyin ayol organizmida jiddiy o’zgarishlar ro’y berishi hech kimga sir emas: ichki va tashqi holatlar o’zgaradi. Ammo yosh ona, albatta, jozibali ko’rinishni va o’zini yaxshi his qilishni xohlaydi. Biz fitness blogger va ona Anna Karpova bilan suhbatlashdik va qanday qilib energiya, chiroyli ko’rinish va yaxshi kayfiyatni qaytarish kerakligini aniqladik.
Rejim:
Kundalik tartib nafaqat bola uchun, balki ona uchun ham muhimdir. Dastalb, barcha muntazam ishlarni alohida varaqqa yozing. Axir, siz har doim chaqalog’ingiz qachon uxlashi, ovqatlanishi va qachon sayr qilishini bilasiz. Keyinchalik takrorlanadigan mashg’ulotlarni yaxshilab o’rganib chiqib o’zingizning kundalik tartibingiz qanday bo’lishini hal qiling. Masalan, ko’chada siz skameykada o’tirmasdan, vaqtni faol o’tkazishingiz mumkin: Kichkintoyingiz aravachada uxlab yotganida yoki atrofga xotirjam qarab turganda, tez yuring yoki mashq qiling.
Agar siz bir vaqtning o’zida barcha odatiy harakatlaringizni qila boshlasangiz, darhol kunni rejalashtirish osonlashadi va o’zingizni his qilishingiz yaxshilanadi: chaqaloq sizni injiqliklari bilan kamroq bezovta qiladi va siz yetarlicha uxlashni va o’z vaqtida ovqatlanishni boshlaysiz. Va shuningdek – sizda mashq qilish, iliq dush olish yoki eringiz bilan muloqot qilish uchun vaqt paydo bo’ladi.
Oziqlanish
«Noziklik – bu mashg’ulotlardan tashqari, to’g’ri, muvozanatli ovqatlanish. Ko’proq sabzavot iste`mol qiling, limonli suv iching va, albatta, har lahzada o’zingizga bo’lgan muhabbatni namoyon eting! « – deya maslahat beradi Anna. Onalar, bor e`tiborini bolani parvarish qilish uchun sarflashadi va o’zlariga vaqt topolmaydilar. Bu noto’g’ri: o’zingizni seving va o’zingizga g’amxo’rlik qiling – shunda siz konfet va kartoshka fri iste`mol qilishni xohlamaysiz. sevimli tanangiz sizga yangi sabzavotlar, o’tlar va toza suv kerakligini aytadi. Tana signallarini tinglashni boshlaganingizdan so’ng, to’g’ri ovqatlanish odatiy holga aylanadi va siz hech qanday parhezga rioya qilishingiz kerak bo’lmaydi. (aytgancha, ularning ko’pchiligi juda zararli va tanasi tug’ruqdan keyin tiklanayotgan ayollarga mos kelmaydi).
Sovutgichingizda doimo tabiiy va yangi mahsulotlar bo’lsihini ta`minlang. Masalan: tabiiy yogurt, kefir, gipoallergen sabzavotlar va mevalar (agar siz bolangizni emizayotgan bo’lsangiz, bu muhim).
Mashg’ulotlar
Tug’ruqdan keyingi tanadagi o’zgarishlar bu tabiiy. Umidsizlikka berilmang, chunki asta-sekin siz avvalgi holatingizni tiklay olasiz va hatto yanada jozibali bo’la olasiz! Har kuni toza havoda sayr qilish (kuniga kamida 10 ming qadam) va haftasiga 2-3 marta to’la-to’kis mashg’ulotlar o’tkazish, albatta, sizning o’zingizni his qilishingiz va tashqi ko’rinishingizga ijobiy ta’sir ko’rsatadi. Sizga ko’proq zavq bag’ishlaydigan jismoniy faoliyat turini tanlang: suzish, yoga, murabbiy bilan onlayn mashg’ulotlar, ko’chada yoki sport zalida. Dastlab fitnes uchun vaqt topish qiyin bo’ladi, lekin bir oydan ozroq vaqt o’tadi va tanangiz odatdagi yuklamalarni talab qiladi. Axir, mashg’ulot paytida tanada endorfinlar ajralib chiqadi – demak sizda baxtli bo’lish uchun ko’proq sabablar paydo bo’ladi!
Anna shuningdek ogohlantiradi: «Muntazam mashg’ulotlarning birinchi oyida vazn va hajm o’zgarmasligi mumkin. Va ko’pchilik, natijani sezmay, muvaffaqiyatga ersihmasdan turib hamma narsadan voz kechishadi .Bu bosqichdagi sizning asosiy vazifasingiz-jarayonga kirib olishva uni hayotingizning bir qismiga aylantirish Sabrli bo’ling va ortiqcha vazn sizni albatta tark etadi ! «