Instagram-да блог жүргізу – бұл шығармашылық, шабыттандыратын хобби, және көбінесе жақсы табыс көзіне айналады. Бұл әлеуметтік желіде визуалды контент шешуші рөл атқарады. Соңғы кездері «тірі» аккаунттар жоғары бағалануда, оларда табиғат немесе заттар емес, адамдардың суреттері басым болып келеді.
«Іле кетер» суреттерді түсіруді қалай үйренуге болады? Кадрда өзінді қалай сенімді сезінуге болады? Бұл туралы және тағы басқалары туралы блогер Анастасия Трегубовамен сөйлестік. Анастасияның блогында 200 мыңнан астам жазылманы бар, ол Бірінші арнада «Доброе утро!» атты бағдарламасын жүргізіп, төрт бала тәрбиелеп отыр.
Камерамен «достық»
Айнадағы бейне таңғажайып болып, ал суреттерде керісінше көрінетін құбылыс бәріне таныс. Бұл камера алдында біз ұялып, қысылғандықтан орын алады. Сондықтан тележүргізуші бойды еркін ұстап, дұрыс көңіл-күйді аулауға кеңес береді.
«Ең алдымен, сыртқы факторлардан алшақтап, тынышталу керек. Сондықтан түсірілім алдында мен әрдайым тыныс алу жаттығуларын жасаймын. Егер бұл эфир болса, оған жаңылтпаш айтумен жаттығу және жақ бұлшықеттерінің жаттығуы қосылады», – дейді Анастасия.
Есіңізде болсын, тәжірибе тек практикамен келеді. Көріңіз, тәжірибе жасаңыз, содан кейін қорқыныш пен шырмалушылық кетеді.
Бой түзеуге қалай үйренуге болады?
Сәтсіз бой түзеу тіпті ең дұрыс пропорцияларды бұрмалауы мүмкін. Сондықтан ұтымды бой түзеулерді таңдауды үйрену маңызды. Анастасия бөліскен үш кеңес:
- Белге назар аудартқыңыз келе ме? Оған қолыңызды қоюды ұмытпаңыз.
- Бет қасындағы қолды шетжағымен ұстау керек, әйтпесе олар кадрда өте үлкен болып көрінеді.
- Егер фотосурет толық бойлы болса, дененің төменгі бөлігі қырындап тұрғаны дұрыс. Сондықтан ол көзге кішірек болып көрінеді.
Әрине, көп нәрсе фигура мен киімнің ерекшеліктеріне байланысты болады. Сізге сәйкес келетін ракурстарды табуға тырысыңыз. Сынақ кадрларын жасаңыз, «жұмыс» жағыңызды іздеңіз. Тіпті жұлдыздар мен танымал сұлулар суретте жақсы шығу үшін бұл айлаларды пайдаланады.
Шығармашылық пен шабыт туралы
Қажетті көңіл-күй болмаса, суретке түсіру процесіне дұрыс қарау да қиын болады. Сондықтан Анастасия өз көңіл-күйіне ерекше назар аударуға кеңес береді.
«Фото түсірілім жасау алдында мен әрқашан ұйқымды қандырып, жақсы көңіл-күймен келуге тырысамын. Процесс барысында мен сүйікті музыкамды қосамын, бұл маған өте көмектеседі. Алдымен фотограф екеуміз жарықты «ұстап алу» үшін бірнеше сынақ кадрларын жасаймыз, содан кейін босаңсып өзімізді қалаған жерде елестетеміз».
Бейнеге енген сәтте бет әлпетіне және қолдың қалпына назар аудармаса да болады. Себебі, бұл күйде бәрі «өздігінен» шығатын болады. Ең кішігірім ұсақ-түйекке дейін кадрда не көрсету керектігін елестетуге тырысыңыз.
Балалармен суретке түсу
Балалар әрқашан да көптеген кадрлар жасауға деген ниетімізбен келіспейді. Ал егер олар төртеу болса, онда міндет одан да қиын болады. Біз Анастасиядан балалармен сәтті фотосуреттердің құпияларын бөлісуді сұрадық. Көп балалы ана бұл оған да қиындық туғызатынын мойындады. Бірақ ол оны ақылмен шешуге тырысады.
«Менің түсінгенім олар әлі фото түсірілімдерге дайын емес. Лиза суретке түсуді мүлдем ұнатпайды – бұл оның таңдауы және мен бұл таңдауын құрметтеймін. Миша мен сұрайтын барлық суреттерге тыныш қана түседі, Ника мен Игорь кейде жастарына байланысты қыңырлайды, бірақ жалпы алғанда бесінші кадрда бәрі дұрыс болады».
Егер бала сіздің хоббиіңізге қызығушылық танытпаса және оны қызықтыруға ешқандай сендіру көмектеспесе, онда жиі бірлескен фотосуреттерден бас тартқан дұрыс. Сіз әрқашан да балалармен көптеген суреттерді болдырмайтын контент жоспарын таңдай аласыз. Мүмкін уақыт өте келе баланың көзқарасы өзгеріп, ол сіздің блогыңыздың бір бөлігі болғысы келер.
Аудиторияны қалай «іле кету» туралы
Әрине, сәттіліктің ең көп үлесі SMM саласындағы дағдыларға байланысты болып келеді. Трендтерді ұстану, контентті үнемі салып отыру, жарнамалық құралдарды пайдалану өте маңызды. Бірақ кейбір блогерлерде жұмыс істейтін нәрсе басқаларында мүлдем жұмыс істемеуі де мүмкін. Анастасия сәттіліктің құпиясы әрқашан шынайылық пен табиғилықта болатынына сенімді.
«Өзіңіз болыңыз, өзіңіз емес адамдардың кейпін алуға тырыспаңыз. Әлеуметтік желілер жалғандықты көреді және өтірікті ұнатпайды. Шынайы өзіңізді әлемге паш етіңіз, және сонда сіздің артыныздан адамдар еретін болады!».